जिल्ला समन्वय समिति रोल्पामा नेतृत्व समावेशी

साझापाना २०७९ असार ३ गते १८:५७ मा प्रकाशित

रोल्पा । जिल्ला समन्वय समिति रोल्पामा नेतृत्व समावेशी बनाउने प्रयास गरिएको छ । जिल्ला समन्वय समितिको प्रमुखमा सिता आचार्य र उपप्रमुखमा कर्मलाल परियारले यस पटक नेतृत्व गरिरहनुभएको छ ।

सिता आचार्यले महिलाको प्रतिनिधित्व गर्दै हुनुहुन्छ भने कर्मलाल परियारले दलित समुदायको तर्फ बाट प्रतिनिधित्व गर्दै हुनुहुन्छ । त्यसैगरी सदस्यहरूमा सुरज माइला, केवल घर्ती, मिना सुनार, जितकुमारी विक, निलम सुनार, शेरबहादुर पुन र सर्मिला पुन मगर रहनुभएको छ ।

१० वटा स्थानीय तह रहेको रोल्पामा जिल्ला समन्वय समितिको मुख्य पदमा महिला र दलित समुदायबाट नेतृत्वमा आउने अवसर यस पटकको निर्वाचनमा मिलेको हो ।

क्याटेगोरी : राजनीति, समाचार
ट्याग : #जिल्ला समन्वय समिति रोल्पा