टोखा बानियाटार बसोबास गर्दै आएका प्रशान्त सिलवाल सम्पर्कविहीन

साझापाना २०८२ असार ३१ गते १९:३१ मा प्रकाशित

काठमाडौं, असार ३१ । गोरखा जिल्लाको सिरानचोक गाउँपालिका-८ स्थायी ठेगाना भई हाल काठमाडौं टोखा नगरपालिका-७ बानियाटारमा बस्दै आएका ४२ वर्षीय प्रशान्त सिलवाल असार २८ गते शनिबारदेखि सम्पर्कविहीन भएका छन्।

प्राप्त जानकारी अनुसार सिलवाल शनिबार दिउँसो करिब १:३५ बजे काठमाडौंको कलंकीबाट माइक्रोबस चढेका थिए। साँझ करिब ५:१५ देखि ५:३० बजेतिर तनहुँको विमलनगरस्थित यातायात कार्यालय नजिकै माइक्रोबाट झरेको देखिएको बताइएको छ। त्यसपछिदेखि उनी सम्पर्कविहीन रहेको गोरखाका समाजसेवी तथा राजनीतिकर्मी प्रकाशचन्द्र दवाडीले जानकारी दिएका छन् ।

सिलवाल हालसम्म पनि सम्पर्कमा नआएको हुँदा परिवार तथा नजिकका आफन्तहरू चिन्तित बनेका छन्। खोजी कार्य जारी रहेको र उहाँलाई देख्नुभएका वा भेट्नुभएकाले तत्काल जानकारी गराइदिन परिवार तथा शुभचिन्तकहरूले आग्रह गरेका छन्।

यदि कसैले प्रशान्त सिलवाललाई देख्नुभयो वा उहाँसम्बन्धी कुनै जानकारी प्राप्त गर्नुभयो भने, निम्न सम्पर्क नम्बरहरूमध्ये कुनै एकमा फोन गरी जानकारी गराइदिनु हुन अनुरोध गरिएको छ:
९८४३२६८४७५, ९८५११७४९२४, ९८५१२०९६४१, ९८४६२५४०५१, ९८४११५८९८१, ९८४३३०५४८५। वा नजिकको प्रहरी चौकीमा सम्पर्क गरी जानकारी दिन सकिनेछ।

समाजसेवी दवाडीले सामाजिक सञ्जाल फेसबुकमार्फत स्टाटस लेख्दै खोजी कार्यमा सहयोग गर्न सबैमा अनुरोध गरेका छन्।