Techie IT
मंगलबार, फागुन ८,२०८०

करुणा फाउण्डेसनबाट संखुवासभाका १० स्थानीय तहलाई स्वास्थ्य सामग्री सहयोग


करुणा फाउण्डेसन नामक संस्थाले संखुवासभा जिल्लाका १० वटा स्थानीय तहलाई जिल्ला समन्वय समितिको समन्वयमा स्वास्थ्य सामग्री सहयोग गरेको छ ।

मंगलबार जिल्ला समन्वय समिति संखुवासभाका प्रमुख सुमन शाक्यले जिल्ला १० वटै स्थानीय तहलाई एक कार्यक्रम बिच हस्तान्तरण गर्नुभएको हो । विश्वमा महामारीको रुपमा फैलिएको कोरोना भाइरस (कोभिड १९)को संक्रमण जोखिम नियन्त्रण गर्नका लागि स्थानीय तहलाई स्वास्थ्य सामग्री उपलब्ध गराएको थियो । करुणा फाउण्डेसनले सिधै स्थानीय तहलाई हस्तान्तरण गर्न नमिल्ने भएपछि एकद्धार प्रणालीबाट जिल्ला समन्वय समिति मार्फत पालिकाहरुलाईसहयोग उपलब्ध गराएको हो ।

स्वास्थ्य सामग्री बुझ्न १० वटै स्थानीय तहका प्रमुख तथा प्रतिनिधीहरु खाँदबारी आएका थिए । फाण्डेसनले सर्जिकल माक्स, एन ९५ माक्स, थर्मगन, पञ्जा, पिपिई सेट, आइआर, सेनिटाइजर लगायत अतिआवश्यक स्वास्थ्य सामग्रीहरु जिल्लाभित्रका १० स्थानीय तह र जिल्ला अस्पताललाई सहयोग गरेको हो ।
जिल्ला समन्वय समितिका प्रमुख सुमन शाक्यले एकद्धार प्रणालीबाट जिल्लाका सबै पालिकाहरुलाई समान रुपमा अहिलेको महामारीको समयमा स्वास्थ्य सामग्री सहयोग गरेको भन्दै करुणा फाउण्डेसनलाई धन्यवाद दिनुभयो । शाक्यले यो संकटको समय साना–साना सहयोगले समेत ठूलो उपलब्धी र राहत महसुस गरेको बताउनुभयो ।

प्रदेश नम्बर १ भित्रका सात जिल्लाका ६९ पालिकाहरुमा स्वास्थ्य सामग्री वितरण गर्ने क्रममा अन्तिम जिल्लाको रुपमा संखुवासभा आइपुगेको करुणा फाउण्डेसनका बरिष्ठ कार्यक्रम ब्यबस्थापक कमल कोइरालाले बताउनुभयो । उँहाले कोरोना भाइरसको जोखिम नियन्त्रण गर्नका लागि स्थानीय तहलाई स्वास्थ्य सामग्री हस्तान्तरण गरेको बताउनुभयो ।

एक नम्बर प्रदेशको सामाजिक बिकास मन्त्रालयसंगको सहकार्यमा ६५ लाख रुपैया बराबरको स्वास्थ्य सामग्री ६९ वटा पालिकाहरुमा बाँडिएको ब्यबस्थापक कोइरालाको भनाइ छ ।


क्याटेगोरी : समाचार


तपाईको कमेन्ट लेख्नुहोस्


Kathmandu
11°
Partly Cloudy
6:36 am5:58 pm +0545