प्रेस सेन्टर नेपाल नुवाकोटको अध्यक्षमा जगदीश खनाल

साझा पाना २०८१ फागुन ५ गते ११:१४ मा प्रकाशित

नेकपा माओवादी निकट पत्रकारहरुको संगठन प्रेस सेन्टर नेपाल नुवाकोटको अध्यक्षमा जगदीश खनाल निर्वाचित भएका छन् । संगठनको चौथो जिल्ला सम्मेलन सम्मेलनद्वारा खनालको अध्यक्षतामा नयाँ कार्यसमिति सर्वसम्वत रुपमा चयन भएको छ । अध्यक्षमा निर्वाचित खनाल विगत १५ वर्षदेखि नुवाकोटमा रहेर सक्रिय पत्रकारिता गर्दै आएका छन् । उनी रेडियो जालपा र नुवाकोट न्युज अनलाइनका सञ्चालक संगै पत्रकार महासंघ नुवाकोटका उपाध्यक्ष पनि हुन् ।

अधिवेशनले उपाध्यक्षमा सुजित भण्डारी, महिला उपाध्यक्षमा प्रीतिका थापा, सचिवमा प्रल्हाद पुडासैननी, सहसचिवमा दिपेश न्यौपाने, अर्का सहसचिव महिलामा सुनिता गुरुङ र कोषाध्यक्षमा द्वारिका प्याकुरेललाई चयन गरेको प्रेस सेन्टर नुवाकोटका निवर्तमान अध्यक्ष रामहरि गजुरेलले जानकारी दिए ।

यस्तै अधिवेशनबाट सदस्यहरु करुणा लामिछाने, पार्वती बि.क. बिनिता पनेरु, पुन्यप्रभा ढुङ्गानालाई सर्वसम्वत रुपमा चयन गरेको छ । केन्द्रीय प्रतिनिधिमा बद्रीप्रसाद प्याकुरेल,रामहरि गजुरेल बिष्णु प्रसाद अधि

कारीलालाई चयन गरेको छ भने प्रदेश प्रतिनिधिमा,रुपा अर्याल,करुणा लामिछाने,शारदा प्रसाद ढकाललाई चयन गरेको छ ।

शनिबार सम्पन्न भएकोअधिवेशनको उद्घाटन माओवादीका पोलिब्यूरो सदस्य तथा प्रतिनिधिसभा क्षेत्र नं १ का सांसद हितबहादुर तमाड.ले गरेका थिए । समे अवसरमा स्मारिका बिमोचन, रवि ईच्छुक जनपक्षीय पत्रकारिता समेत प्रदान गरिएको थियो । सो सम्मान पत्रकारद्धय बद्रीप्रसाद प्याकुरेल र कपिलदेव खनाललाई प्रदान गरिएको थियो ।

कार्यक्रमा जिल्ला समन्वय समितिका प्रमुख रजिन्द्र बिक्रम ठकुरी,माओवादीका नेता हिरानाथ खतिवडा, पुष्प लामिछाने, प्रेस चोतारी नेपाल नुवाकोटका अध्यक्ष श्रीराम अधिकारीसहित पत्रकार तथा माओवादी जिल्ला नेताहरुको सहभागिता रहेको थियो ।