कांग्रेस काठमाडौ ६ को अधिवेशनमा श्यामकृष्ण खड्कीको उद्घोष : अब पार्टी अन्र्तघातबाट हार्ने दिन समाप्त भयो

चुनाव हार्नुको कारकको रुपमा अन्तर्घात भएको बुझेका उनी अहिले पनि गुटगत समस्या भएको र त्यसलाई भत्काउनुपर्ने बताउँछन् । यो क्षेत्रमा नगरदेखि वडासम्म सबै कांग्रेसले जितेको तर प्रदेश र संघीय चुनाव हारेको दृश्यले पनि अन्तर्घात भएको प्रष्ट भएको प्रधानको भनाई छ ।
फरक प्रशंगमा उनले कांग्रेसले अरुले जस्तो गरेर फिक्का बोल्न नहुने र सस्तो लोकप्रियताको लागि मात्रै काम गर्न नहुँने बताए । पछिल्लो समय नेपाली सेनामाथि प्रश्न उठिरहेको र यो विषयलाईसमेत हल्का टिप्पणी नगर्न पार्टी पंक्तिलाई उनको आग्रह छ ।

भिमसेनदास प्रधान, नेता, नेपाली कांग्रेस कांग्रेसको विधान र केन्द्रीय कार्यसमितिको परिपत्रपछि मात्रै कांग्रेसको अधिवेशनहरु सुचारु भईरहेको बेला अहिले संगठनभित्र बढ्दै गएको गुटगत राजनीतिमा नलाग्न उनको आग्रह छ । चुनावमा उठ्नका लागि आफूले आफैंलाई सिफारिस गर्ने उदेश्यले मात्रै पार्टी संगठन कब्जा गर्न खोज्ने परिपाटी विकास भएकोमा अर्का नेता श्यामकृष्ण खड्की पनि चिन्तित छन् ।

उनी भन्छन्, ‘आफू उम्मेदवार बन्नका लागि मात्रै राजनीतिमा नलागौँ, त्यो स्वार्थ फालौँ, पार्टीभित्र नै एकता नहुँदा बेहोर्नुपरेको पराजयको समिक्षा गरेर अघि बढौँ ।’ श्यामकृष्ण खड्गी, नेता, नेपाली कांग्रेस नेपाली कांग्रेस अहिले तल्तो तहसम्म आन्तरिक छलफलमा छ ।

आगामी वर्षकोसमेत संगठनको कार्ययोजना बनाएर अघि बढ्ने योजना बनाएर उनीहरु अघि बढिरहेका छन् ।