तारकेश्वर डाँडागाउँमा बिजुलीको पोलमा करेन्ट सर्ट हुदाँ बालकको मृत्यु

साझापाना २०७६ वैशाख २० गते १३:०१ मा प्रकाशित

पुकार तिमलसिना

काठमाडौं,बैशाख २० – विजुलीको पोलमा करेन्ट सर्ट हुदाँ काठमाडौंमा एक बालकको निधन भएको छ । तारकेश्वर न.पा ८ डाँडागाउँमा बिजुलीको पोलमा करेन्ट सर्ट भएर नुवाकोटका १० वर्षीय प्रदिप अधिकारीको निधन भएको प्रहरीले जनाएको छ ।

नुवाकोट जिल्ला तादी गाँउपालिका वडा नं ५ स्थायी घर भएका अधिकारी परिवारको साथ डाँडागाउँमा बस्दै आएका थिए । विजुलीको मेन लाईनवाट पल्टिङमा लैजानको लागि प्रयोग गरिएको पोलमा उनलाई करेन्ट लागेको थियो । करेन्ट लागेर उनको घटनास्थालमै ज्यान गएको हो । यसबारे थप अनुसन्धान भैरहेको प्रहरीले जनाएको छ ।

क्याटेगोरी : समाचार
ट्याग : #बालकको मृत्यु