पर्यटन व्यवसायी सन्तोष खनालको पहलमा न्यानो कपडा तथा शैक्षिक सामाग्री वितरण

साझापाना २०७९ मंसीर ७ गते १९:३७ मा प्रकाशित

ऋषि खनाल (रितिक) गोरखा । गोरखा जिल्ला भिमसेनथापा गाँउपालिका वडा नंम्बर तिनका जेष्ठ नागरिक र बाल बालिकाहरुलाई पर्यटन व्यवसायी सन्तोष खनालको पहलमा न्यानो कपडा र शैक्षिक सामाग्री वितरण गरेएको हो । आइतबार वडा नंम्बर–३ तान्द्राङ्ग स्थित सिमलचौरमा बाल बालिकाहरुलाई न्यानो कपडा र शैक्षिक सामाग्री विरतण गरिएको हो ।

वडा नंम्बर–३ को कमलटार, खमारे, तल्लोटारका ६७ जना बाल बालिकालाई ५२ हजार बराबरको शैक्षिक सामाग्री, ६७ थान ट्र्याक सुट, आर्थिक स्तर न्युन भएका जेष्ठ नागरिकलाई १७ ओटा कम्बल विरतण गरिएको सन्तोष खनालले जनकारी दिनुभयो ।

त्यस्तौ लक्ष्मी नारायण धाम बुढीगण्डकी बद्धाश्रमलाई खनालको पहलमा पयर्टक मारिया स्ट्याडलरले २५ हजार नगद हस्तान्तरण गनुभएको थियो ।

चिसो बढि रहेको बेला यसरी सहयोग गरेकोमा गाँउलेले खनाललाई धन्यवाद दिएका छन्। उनले बाल बालिका र जेष्ठ नागरिकहरुको लागि गरिएको सामाजिक कार्यले समाजमा आ आफ्नो क्षेत्रबाट पनि केहि गर्न सकिन्छ भन्ने उदाहरण भएको बताउनु भयो । खनालको अनुसार जम्मा एक लाख ९० हजार बराबरको सामाग्री बितरण गरिएको छ ।