युक्रेनमाथि आक्रमण गरेको दशौं दिनमा रुसले अस्थायी युद्धविरामको घोषणा गरेको छ । युक्रेनका दुई शहर मरियुपोल र भोल्नोभाखाबाट सर्वसाधारणलाई सुरक्षित स्थानतर्फ निस्कनका लागि अस्थायी युद्धविराम घोषणा गरिएको हो ।

यसअघि रूस र युक्रेनका अधिकारीबीच भएको दोस्रो चरणको वार्तामा मानवीय सहायताका लागि दुई करिडोर खुला राख्ने सहमति भएको थियो । अब ती करिडोरबाट मानिसहरू बाहिर निस्कन पाउने रूसी समाचार संस्था स्पुतनिकले जनाएको छ ।

रुसी रक्षा मन्त्रालयले रुसी सेनाले युक्रेनी सहरहरूलाई निसानामा नराखेको पनि दाबी गरेको छ । साथै उसले सर्वसाधारणलाई कुनै पनि खतरा नभएको दाबी गर्दै केवल सैन्य संरचनामा मात्रै आक्रमण गरिएको बताएको छ ।

मरिपोल र भोल्नोभाखामा केही दिनदेखि दुवै पक्षबीच भीषण संघर्ष जारी रहेको छ ।

क्याटेगोरी : समाचार
ट्याग : #hot, #रूस

---

---

---