चितवन । चितवन प्रहरीले लागूऔषध तथा मोटरसाईकल चोरहरुले प्रयोग गर्ने एलएङकी सहित चार जनालाई पक्राउ गरेको छ । पक्राउ पर्नेहरूमा मकवानपुर हेटौडा उपमहानगरपालिका ११ बस्ने २३ बर्षिया बिजय प्रसाद चौलागाई, सोही ठाउँ बस्ने २४ बर्षिया सन्तोष बिंडारी, वर्डा नम्बर ३ बस्ने ३६ बर्षिया अर्जुन मोक्तान र बारा जितपुर सिमरा उपमहानगरपालिका २२ बस्ने ३६ बर्षकै सुर्यमान वाईवा रहेको जिल्ला प्रहरी कार्यालय चितवनले जनाएको छ ।

चितवनका प्रहरी प्रमुख (एसपी) ओम प्रसाद अधिकारीका अनुसार प्रहरीको नियमित गस्तीको टोलीले उनीहरुलाइ खैरहनी नगरपालिका ९ स्थित सिमलटाँडीबाट पक्राउ गरेको हो ।

(एसपी) अधिकारीले भने, हिजो आइतबार साँझ साँढे सात बजे गस्तीमा खटिएको प्रहरीको टोलीले उनीहरु सवार ना १४ प ३३२३ र ग १ प २७८५ नंम्बरको मोटरसाईकल लाइ रोकि चेकजाँच गर्ने क्रममा लागूऔषध नाइट्रेजापाम १७५ ट्याब्लेट सहित मोटरसाईकल चोरहरुले प्रयोग गर्ने एलएङकी २ थान सहित मोटरसाइकल बरामद गरिएको बताए । पक्राउ परेकाहरुलाइ हिरासतमा राखी थप अनुसन्धान गर्ने कार्य भइरहेको चितवन प्रहरीले जनाएको छ ।

थप समाचार

प्रधानमन्त्री खोज्दै विपक्षीको विरोध, सभामुखले भने- छिट्टै सदनमा जवाफ दिने…

पत्रकार किशोर श्रेष्ठ जोडिएको घटनाबारे चिनियाँ दूतावासको चासो, गहिरो छानबिन…

उपन्यासकार मल्लद्वारा लिखित उपन्यास “नक्खी” सार्वजनिक

हेराल्ड उत्कृष्ट नतिजासहित गुणस्तरीय शिक्षाको भरोसायोग्य गन्तव्य : विनोद रेग्मी