ब्रम्हाकुमारी राजयोग केन्द्रलाई श्रेष्ठ दम्पतीको सहयोग

साझा पाना २०७८ जेठ १५ गते १९:३४ मा प्रकाशित

खाँदबारी – संखुवासभा खाँदबारी १ घरभई हाल अमेरिका निवासी श्रेष्ठ दम्पतीले ब्रम्हाकुमारी राजयोग केन्द्र खाँदबारीलाई भवन निर्माणका लागि आर्थिक सहयोग गरेका छन् । जीवन श्रेष्ठ तथा रेनु श्रेष्ठले ब्रम्हाकुमारी राजयोग केन्द्र (ओम शान्ति) को भवन निर्माणका लागि नगद साठी हजार रुपैयाँ उपलब्ध गराउनु भएको संखुवासभाका केन्द्र प्रमुख संचालिका रचना आचार्यले जानकारी गराउनुभयो ।

जन्मथलो खाँदबारी आउनुभएका जीवन श्रेष्ठले उक्त रकम ब्रम्हाकुमारी राजयोग केन्द्रका सदस्य खड्ग चापागाईलाई हस्तान्तरण गर्नुभएको हो । रकम हस्तातरण गर्नुहुदै श्रेष्ठले भन्नुभयो–‘हाम्रो स्वर्गीय बुवाआमा सूर्यबहादुर/छन्द कुमारी श्रेष्ठको स्मृतीमा धार्मिक क्षेत्रमा सहयोग गर्न पाउदा खुसि लागेको छ ।’ श्रेष्ठले आगामी दिनमा पनि जिल्लाभर रहेका गरिब बालबालिका र असाहाय वृद्धवृद्धाहरुलाई सहयोग गरिरहने प्रतिबद्धता ब्यक्त गर्नुभएको छ ।