दुईदिने सुत्केरीलाई कोरोना संक्रमण

साझा पाना २०७८ वैशाख ३१ गते १९:१३ मा प्रकाशित

संखुवासभा जिल्ला अस्पतालमा दुई दिने सुत्केरीलाई समेत कोरोना संक्रमण भएको छ । आमा र बच्चाको अवश्था बिग्रिएपछि सभापोखरी गाउँपालिका २ का २८ बर्षिया रुपा तामाङको बुधबार सल्यक्रियाबाट सुत्केरी गराईएको थियो ।

बुधबार सुत्केरी भएकी रुपालाई बिहीबार र शुक्रबार कोरोना संग मिल्दो जुल्दो लक्षण देखिएपछि परिक्षण गर्दा कोरोना पोजेटिभ देखिएको हो । अप्रेशनमा सम्लग्न चिकित्सक डा. भिमबहादुर लामाले उनलाई सुत्केरी गराउँन ल्याउँदा नै कोरोना संक्रमण भएको अनुमान गरे । जताततै संक्रमण फैलिएकाले उनको जिल्ला अस्पतालमा सल्यक्रियाबाट बच्चा निकालिएको थियो ।

कोरोना संक्रमण देखिएपछि सुत्केरीलाई अस्पतालभित्र बेग्लै आईसोलेसन वार्ड बनाएर उपचार सुरु गरिएको छ । डा. लामाको नेतृत्वमा उनको अप्रेशन गरिएको थियो । सुत्केरी र बच्चाको अवश्था भने सामान्य छ ।