काठमाडौं । नेपाल कम्युनिष्ट पार्टी नेकपाको प्रचण्ड – माधव नेपाल समूहले आज विहिबार मानव साङ्लो बनाएर टुँडिखेल घेराउ गर्दैछ ।प्रधानमन्त्री केपी वलीले गरेको
्संसद विघटनलाई असंवैधानिक र कदम र निरङ्कुशताको संज्ञा दिदै आएको उक्त समुहले आज अपराह्न चार बजेदेखि पाँच बजेसम्म एक घण्टा मानव साङ्लो बनाएर टुँडिखेल घेराउ गर्न लागेको हो ।

यसका लागि उक्त समुहले उपत्यकाका जिल्ला कमिटी र जनवर्गीय संगठनहरुलाई तोकिएको निश्चित स्थानमा भेला हुन समेत निर्देशन दिएको छ । सोहि अनुसार काठमाडौं, ललितपुर र भक्तपुर जिल्ला कमिटीलाई रत्नपार्कको आकासेपुलदेखि भद्रकालीसम्म, मजदुरहरुलाई भोटाहिटीदेखि रत्नपार्कको आकासे पुलसम्म र विद्यार्थी संगठनका नेता र कार्यकर्ताहरुलाई भद्रकालीदेखि सुन्धारासम्मको स्थान तोकेको छ ।

प्रचण्ड – माधव नेपाल समूहले संसद विघटनको विरोधमा यस अघि तीन चरणका आन्दोलन सम्पन्न गरिसकेको छ ।

पाँच गतेदेखि १५ गते सम्म घोषणा गरेको आन्दोलनका तालिका अन्तगर्तको यस समुहले आज मानव साङ्लो बनाएर टुँडिखेल घेराउ गर्न लागेको  बताएको  छ ।

क्याटेगोरी : समाचार
ट्याग : #breaking, #news, #प्रचण्ड – माधव नेपाल समूह

---

---

---