काठमाडौँ, २३ पुस । सहकारी संस्थाहरुले आफ्नो कारोबारको नेपाल राष्ट्र बैंकलाई रिपोर्टिङ गर्नुपर्ने भएको छ ।

 

अब १० करोडभन्दा बढीको कारोबार गर्ने सहकारी संस्थाहरुले गोएएमएल सफ्टवेयर सिस्टममार्फत नेपाल राष्ट्र बैंक, वित्तीय जानकारी इकाईमा एसटिआरर टिटिआरको रिपोर्टिङ गर्नुपर्ने सहकारी विभागले जनाएको छ ।

आगामी साउनदेखि १० करोडभन्दा बढी निक्षेप तथा पुँजी भएका बचत तथा ऋण सहकारी संस्थाले गोएमएल मार्फत रिपोर्टिङ गर्नुपर्ने छ ।

 

सम्पत्ति सुद्धीकरण निवारण सम्बन्धी सहकारी संघ संस्थालाई जारी गरेको निर्देशन, २०७४ को दफा १९ र २० बमोजिम यस्तो नियम लागु हुने भएको हो ।

 

यसअन्तर्गत सहकारी संस्थाहरुले सीमा कारोबार (टिटिआर), शंकास्पद कारोबार प्रतिवेदन (एसटिआर) राष्ट्र बैंक पठाउने व्यवस्था गरेको हो ।

क्याटेगोरी : समाचार
ट्याग : #breaking, #सहकारी

---

---

---