नेपाल सुनचाँदी कला ब्यवसायी संघको रक्तदान कार्यक्रम

साझा पाना २०७७ असोज १७ गते १३:४८ मा प्रकाशित

शालिकराम लामिछाने

काठमाडौं । नेपाल सुनचाँदी कला ब्यवसायी संघले रक्तदान कार्यक्रम गरेको छ ।

कोरोनाभाइरस ९कोभिड–१९० को कारण लामो समय लकडाउनको भएको कारण रक्तबैंकमा रगतको अभाव भई बिरामीहरुलाई समस्या परेको हुँदा रक्तदान कार्यक्रम संचालन गरिएको नेपाल सुनचाँदी कला ब्यवसायी संघका केन्द्रिय अध्यक्ष केशर सेन्चुरीले साझापाना अनलाइनलाई बताए ।

संघमा आबद्ध भएका करिव १२० जनाले रक्तदान गर्ने अध्यक्ष सेन्चुरीको भनाई छ ।

रगतको माग बढी र रक्तदान कम भैरहदा सृजित रक्त अभावलाई पुर्ण गर्न विभिन्न संघ संस्थाहरुको सामुहिकतामा रक्तदान कार्यक्रमको आयोजना गरिएको जानकारी गराएका थिए । त्यस्तै कार्यक्रममा सामाजिक गतिविधिका विभिन्न अभियानमा सवै संघ सस्थाहरुसँग हातेमालो गर्दै अगाडि बढ्ने संस्थागत उद्देश्य बमोजिम यो रक्तदान जीवनदान जस्तो पवित्र कार्यमा जोडिएको र यस किसिमका हरेक गतिविधिमा संघ सदैव सहकार्य गर्दै अघि बढ्न तत्पर रहेको उल्लेख गरेका थिए ।