हेटौंडा । इंग्लिस प्रिमियर लिग ९इपिएल०को सन् २०२४ को अन्तिम भिडन्तमा लिग लिडर लिभरपुलले आज राति वेस्टह्यामको आतिथ्यता गर्दै छ । नेपाली समय अनुसार रातको ११ बजे हुने खेलमा वेस्टह्यामले लिग लिडर लिभरपुललाई आफ्नै रङ्गशालामा निम्तो दिँदैछ ।

 

आजको खेल रोमान्चक हुने अपेक्षा गरिएको छ । सालको अन्तिम खेल खेल्दै गर्दा लिभरपुलको लक्ष्य अङ्क तालिकालाई थप मजबुत बनाउनेछ भने वेस्टह्याम पनि कम्तिमा टप १० मा रहेर सन् २०२४ लाई विदा गर्ने अभियानमा हुनेछ ।

तालिकामा लिभरपुलको मजबुत पकड छ । दोस्रो स्थानको आर्सनल भन्दा एक खेल कम खेलेर पनि लिभरपुल ६ अङ्कले अघि छ । अब उसको लक्ष्य समान खेलबाट अग्रता ९ अङ्कमा लैजाने हुनेछ । यता घरेलु टोली वेस्टह्याम आजको खेल जितेमा कम्तिमा १० औं स्थानमा बढुवा हुनेछ ।

लिग अन्तरगत आजै खराब लय समतेको म्यान्चेस्टर सिटी र रेलिगेसन जोनमा रहेको लेस्टर सिटी आमनेसामने हुँदैछ्न् । लेस्टरको घरेलु मैदान किङ्स पावर रङ्गशालामा हुने खेलपनि रोमान्चक हुने अपेक्षा गरिएको छ ।

हाल सातौं स्थानमा रहेको सिटीले पछिल्लो ९ खेलमा बेहोरेको निराशाजनक नतिजालाई उल्टयाउने तयारीको साथ मैदानमा ओर्लदा घरेलु मैदानमा जित निकाल्दै रेलिगेसन जोन छाड्ने दमदार तयारीको साथ लेस्टर मैदानमा देखिनेछ्न् ।

आजै नटिङ्गम फरेस्टले एभर्टनको सामना गर्दैछ । आजको खेल जितेमा फरेस्ट कम्तीमा केही समयको लागि दोस्रो स्थानमा पुग्ने छ भने एभर्टनको पक्षमा नतिजा आए उसलाई रेलिगेसनको दबाब कम हुनेछ ।

लिग अन्तरगत आजै उल्भ्स र टोटनह्याम्पको खेल हुँदैछ । गएको हप्ताबाट मात्र रेलिगेसन जोन छाडेको उल्भ्सको लागि आजको जित आफ्नो माथिल्लो स्थान मजबुत बनाउने कसि हुनेछ भने टोटनह्याम्प पनि टप टेनमा पर्ने गरि मैदानमा ओर्लदै छ ।

आजै हुने अर्को खेलमा फुलहम र बर्नमाउथबिच कडा प्रतिस्पर्धा हुँदैछ । बर्नमाउथ र फुलहम दुबै कम्तिमा पाचौं स्थानमा पुग्नेगरि खेल्दैछ्न् । आज हुने अर्को खेलमा तालिकाको अन्तिममा रहेको साउथह्याम्पन्टनले क्रिष्टल प्यालेको सामना गर्दैछ । सिजनको दोश्रो जितको लक्ष सहित साउथह्याम्पन्टन मैदानमा देखा पर्दा प्यालेस रेलिगेसन जोन भन्दा कम्तिमा तीन स्थान माथि जान चाहन्छ ।

 

क्याटेगोरी : खेलकुद
ट्याग : #breaking, #यो वर्षको अन्तिम खेलमा अग्रता बलियो बनाउने लिभरपुललाई मौका

---

---

---