तिनपिप्लेको कालिका माविमा रक्तदान कार्यक्रम सम्पन्न

साझापाना २०७८ असार ५ गते २०:४३ मा प्रकाशित

काठमाडौं । नेपालभरीनै रगत अभावको सृजना भए लगत्ततै तारकेश्वर नगरपालिका वडा नं. ३ स्थित तिनपिप्लेको कालिका माविमा आज रक्तदान कार्यक्रम सम्पन्न भएको छ । रक्तदान कार्यक्रममा ३२ जना रक्तदाताले रक्तदान गरेका छन् । १ जना महिला र ३१ जना पुरुषले रक्तदान गरेको कार्यक्रमका उपसंयोजक धु्रबराज खड्काले बताउनुभयो ।

तारकेश्वर नगरपालिकाको बैठकले प्रत्येक वडाहरुमा रक्तदान कार्यक्रम गर्ने नीतिअनुसार जेठ २५ गतेबाट वडा नं. ११ बाट सुरु भई आज वडा नं. ३ मा सम्पन्न भएको छ । रक्तदान कार्यक्रममा मनमैजु सांस्कृतिक समाजका तफैबाट चर्चित हाँस्य कलाकार उत्तम अर्याल (कोदे) ले पनि रक्तदान गरेका छन् । कार्यक्रममा मनमैनु सांस्कृतिक समाजका व्यक्तिहरुको उल्लेख्य उपस्थित रहेको कुरा बुझिएको छ ।

रक्तदान कार्यक्रमको संयोजनमा जय इन्द्रायणी साकोस र ब्लड डोनर एसोसिएसन नेपाल ब्लोदान तारकेश्वर नगर समितीको सहयोगमा रक्तदान कार्यक्रम सम्पन्न भएको हो । हालसम्म तारकेश्वर नगरपालिकाको वडा नं. ११, १०, ८, ५, ३ र २ २ मा रक्तदान कार्यक्रम सम्पन्न भएको रक्तदान कार्यक्रमका उप–संयोजक ध्रुबराज खड्काले जानकारी दिनुभयो ।

क्याटेगोरी : स्थानीय
ट्याग : #तिनपिप्लेको कालिका मावि, #ध्रुबराज खड्का