विश्व विनायक क्लव उपाधी नजिक

साझा पाना २०८१ जेठ २८ गते २०:१६ मा प्रकाशित

प्रदीप ढकाल ,भक्तपुर
जेष्ठ २८, सोमबार ।

भक्तपुर जिल्ला फुटबल संघ (एन्फा) को आयोजनामा भइरहेको भक्तपुर जिल्ला लिग २०८०।०८१ को सोमबारको खेलमा जित हातपार्दै विश्व विनायक क्लव उपाधी नजिक पुगेको छ। भक्तपुर बहुमुखी क्याम्पसको फुटबल मैदानमा सोमबार दिउँसो सम्पन्न प्रथमसेमिफाइनल खेलमा विश्व विनायक क्लवले मध्यपुर जागरुक फुटवल क्लवलाई टाई ब्रेकरमा ४–२ गोल अन्तरले पराजित गर्दै फाइनलप्रवेश गरेको हो। यस अघि खेलको निर्धारित ९० मिनेटको समयमा दुबै टोलीले ०–० को बराबरी खेलेका थिए। खेल भर उत्कृष्ट प्रदर्शनगर्दै टाई ब्रेकरमा समेत एक पेनाल्टि रोकेका विश्व विनायक क्लवका गोलरक्षक हिसान श्रेष्ठ खेलको म्यान अफ दी म्याच घोषित भए।

प्रतियोगितामा जम्मा ९ क्लबको सहभागिता रहेको र प्रतियोगिताको बिजेताले नगद १ लाख तथा उपविजेताले नगद ५० हजार पाउने पनिआयोजकले जनाएको छ। प्रतियोगिताको दोस्रो सेमिफाइनल खेल मंगलवार दिउँसो ४ बजे भक्तपुर बहुमुखी क्याम्पसको फुटबलमैदानमा हुने छ। दोस्रो सेमिफाइनल खेल भक्तपुर यूनाइटेड र थीमी यूथ क्लबबीच हुने छ।