राजधानिमा किसानहरुको प्रभातफेरी (फोटोफिचर)

साझापाना २०७६ वैशाख १२ गते ११:३३ मा प्रकाशित

काठमाडौ। राजधानिमा किसानहरुले बिभिन्न माग राख्दै आन्दोलनमा उत्रिएका छन । कृषिमा सुधार , समृद्धिको आधार भन्दै देशभरका किसान आन्दोलित भएका छन ।

कृषक समूह महासंघ, नेपालको दोश्रो महाधिवेशनको अवसरमा ललितपुरको कृषि बिभागमा किसानहरु भेला भई सो प्रभातफेरी गरेका हुन ।

कृषिमा आयात बन्द गर , कृषि ऐन निमार्ण गर , उत्पादनमा विमा लागु गर ,

साना किसान मैत्री नीति निमार्ण गर , खाध्य अधिकारको सुनिश्चितता गर लगायतका नारा लेखिएका प्ले कार्ड र ब्यानर बोकी कृषि विभाग बाट स्टाफ कलेज जावलाखेल सम्म प्रभातफेरी कार्यक्रम लगायतका कार्यक्रम गरेका छन ।

कृषि, भूमि व्यवस्था तथा सहकारी मन्त्री चक्रपाणी खनाल ‘बलदेव’ ले उदेघाटन गरेका दोश्रो महाधिवेशन सत्रमा देशभरका करिव ४० जिल्लाका किसानहरुको उल्लेखनिय सहभागी रहेको थियो ।

गरिवलाई परिचय पत्र, किसानलाई पेन्सन

६ महिनाभित्र संघीय स्तरमा उच्चस्तरीय विज्ञ सम्मेलन आयोजना गर्ने, गरीब घर पहिचान भएका २६ जिल्ला ९रूकुम पूर्व समेत० का ३ लाख ९१ हजार ८३१ घर परिवारलाई आगामी ६ महिनाभित्र परिचयपत्र बितरणको काम शुरु गर्ने र बाँकी ५१ जिल्लाहरूमा गरीब घर परिवार पहिचान गरी २ वर्षभित्र परिचयपत्र बितरणको काम शुरु गरिने मन्त्रि खनालले बताए ।
स्वदेशमा नै रोजगारी सृजना गरी युवा जनशक्तिको विदेश पलायन रोक्न विदेशबाट कृषि सम्बन्धी ज्ञान, सीप र पूँजीसहित फर्केका युवाहरुलाई व्यवसायिक कृषि पेशामा आवद्ध गर्न कृषिमा युवा विशेष कार्यक्रम सञ्चालन गरिने उनको भनाई छ ।

जमिन बाँझो राख्न नपाइने
जग्गालाई कृषि, बसोवास, औद्योगिक लगायतका क्षेत्रमा बर्गिकरण गरी कृषियोग्य जमिनलाई ब्यवसायिक प्लटिङ्ग र बाँझो राख्न नपाउने व्यवस्था गर्न आगामी ६ महिनाभित्र भूमि नीति र भू–उपयोग ऐन तयार गरी कार्यान्वयनमा ल्याइने मन्त्री चक्रपाणी खनालले बताए ।

जग्गाधनी र मोहीबीच भूमिमा रहेको दोहोरो स्वामित्व सम्बन्धी समस्या समाधान गर्न मन्त्रालयमा मोहीयानी समस्या समाधान इकाई स्थापना गरी आगामी १ वर्षभित्र ‘मोही प्रथा’ पूर्णरुपमा अन्त्य गरिने मन्त्री खनालले बताए ।

आफै खेती गर्न नचाहने जग्गाधनीले खेतीयोग्य जग्गा लिजमा दिन सक्ने र जग्गा नभएका वा कम भएका कृषकका लागि चक्लावन्दी भूमि करारमा लिई व्यवसायिक कृषि खेती गर्ने प्रणालीको विकास गर्न आगामी २ वर्षभित्र किसान भूमि बैंक स्थापना गर्ने सोही अवसरमा उनको कथन छ ।