ऐनबहादुर महरलाई गोली हान्ने धम्की

साझा पाना २०८३ असार ३० गते १७:०१ मा प्रकाशित

काठमाडौं । नेकपा (एमाले)का प्रमुख सचेतक ऐनबहादुर महरलाई गाली हान्ने धक्की आएको छ।

मंगलबार प्रतिनिधि सभाको बैठकमा बोल्दै प्रमुख सचेतक महरले आफूलाई फेसबुकको कमेन्टमा गोली हानेर मार्ने धक्की आएको बताएका हुन् ।

‘हामी जनताबाट अभिमत लिएर यस सदनमा आएका छौँ, जनताको कुरा बोल्न। हामी निरपेक्ष रुपमा सरकारको विरोध गर्दैनौँ,’ महरले भने, ‘सरकारको गुण र दोषका आधारमा समर्थन र विरोध गर्छौं। सरकारलाई सही बाटो देखाउन चाहन्छौं। बिडम्बना, सरकारमा बोलिरहँदा केही मान्छेलाई सरकारको विरोध गरेको आभाष हुँदोरहेछ र मलाई निरन्तर धम्की आइरहेको छ। गोली हानिदिन्छु, मारिदिन्छु भन्या छ,’।

आज पनि सामाजिक सञ्जाल फेसबुकमार्फत आफूलाई ज्यान मार्ने धम्की आएको उनले बताए । ‘भर्खरै मात्रै दुई जनाले मेरो स्टाटस्मा कमेन्ट गर्नु भएको छ,’ उनले कमेन्ट पढेर सुनाए, ‘ऐन महर, आमा कसम, तलाई म गोली हानेर मार्छु भनेर आफ्नो नम्बर पनि दिनुभाछ, ठेगाना पनि दिनुभाछ, आजै भन्नुभाछ।’

क्याटेगोरी : विशेष, समाचार
ट्याग : #ऐनबहादुर महरलाई गोली हान्ने धम्की