चौंथो भक्तपुर जिल्ला व्यापी तेक्वान्दो सम्पन्न

साझापाना २०८१ मंसीर १ गते १९:३६ मा प्रकाशित

प्रदिप ढकाल ,भक्तपुर
मंसिर ०१, शनिबार ।

राष्ट्रिय तेक्वान्दो संघ नेपाल जिल्ला कार्य समिति भक्तपुरको आयोजनामा ‘चौंथो भक्तपुर जिल्ला व्यापी तेक्वान्दो प्रतियोगिता’ सम्पन्न भएको छ ।

चाँगुनारायण नगरपालिका वडा नं ७ टफा डम्फुको सभाहलमा आयोजित प्रतियोगितामा १३ वटा स्वर्ण पदक सहित अक्सफर्ड दोजाङ प्रथम, ११ स्वर्ण पदक सहित सिरुटार दोजाङ दोस्रो र चार वटा स्वर्ण पदक सहित निकोसेरा दोजाङ तृतीय भएको अध्यक्ष सुन्दर सुवालले बताउनुभयो । यस्तै, प्रतियोगितामा पुरुषतर्फ सिद्धार्थ डोजाङक सौरभ श्रेष्ठ उत्कृष्ट खेलाडी घोषित भए भने महिला तर्फ सिरुटार दोजाङकि रोश्नी टीटुंग उत्कृष्ट खेलाडी घोषित भइन्।

२ दिन चलेको प्रतियोगितामा १४ दोजाङका करिब ३०० खेलाडी सहभागी भएको कार्यक्रम संयोजक प्रेम कुमार लामाले जानकारी दिए ।समापन समारोहका कार्यक्रम सभापति राष्ट्रिय तेक्वान्दो संघ नेपाल जिल्ला कार्य समिति भक्तपुरका अध्यक्ष सुन्दर सुवाल थिए भने प्रमुख अतिथि राष्ट्रिय तेक्वान्डो संघ नेपालका केन्द्रीय उपाध्यक्ष सनिश लागेजु रहेका थिए। कार्यक्रममा वरिष्ठ केन्द्रीय सदस्य शेरबहादुर थापा मगर, चाँगुनारायण नगरपालिका वडा नं ७ का वडा अध्यक्ष श्याम नाँयाजु श्रेष्ठ लगायतको उपस्थिति रहेको थियो ।