खानीखोला प्रहरीद्वारा अवैध रुपमा उम्रीएको पाँच हजार वटा गाँजाको बोटबिरुवा फडानी

प्रनिश थापा संवाददाता २०८० असोज १३ गते १६:२४ मा प्रकाशित

धादिङ । धादिङ प्रहरीले गाँजा फडानी अभियानलाइ तीब्र पारेको छ । ईलाका प्रहरी कार्यालय खानीखोलाले (शनिबार) बिहान अवैध रुपमा उम्रीएको गाँजाको बोटबिरुवा फडानी गरेको छ ।

प्रहरी निरीक्षक देबेन्द्र बहादुर शाहको कमान्डमा खटिएको टोलीले धादिङ थाक्रे गाउँपालिका वडा नंम्बर ५ पोखरेचौर स्थितमा १०० रोपनी जग्गामा आफै उम्रीएका अन्दाजी पाँच हजार वटा अवैध गाँजाको बोट, बिरुवाहरु फडानी गरी नष्ट गरीएको हो ।

प्रहरी निरीक्षक शाहका अनुसार गस्ती गर्दै जाने क्रममा आफू सहित, हाप्सेचौर प्रहरी पोस्टबाट समेत ९ जनाको प्रहरी टोलीले गस्ती गर्दै जाने क्रममा गाँजा देखिएको र चार घण्टा लगाएर नष्ट गरिएको बताए । बिहान साँढे सात बजे गएको टोली साँढे तीन बजे कार्यालय फर्किएका छन् ।

लागूपदार्थ उत्पादन, बेचबिखन र ओसारपसारले समाजलाइ नकरात्मक दिशातर्फ लैजाने र यस्को सेवन गर्नु, गराउनु दुवै दण्डनीय रहेकोले कहि कतै यस्तो गतिविधी भएको पाइए तत्कालै नजीकैको प्रहरी कार्यालयलाइ सुचना दिएर सहयोग गर्न समेत धादिङ प्रहरीले सबैमा अपिल गर्दै आएको छ ।

क्याटेगोरी : अपराध/सुरक्षा, ब्रेकिंग न्युज, विशेष, देश परदेश, समाचार