धनगढी । नवनिर्वाचित सुदूरपश्चिम प्रदेशसभाका सदस्यहरुले आज पद तथा गोपनीयताको शपथ लिनुभएको छ ।

धनगढीस्थित प्रदेशसभा बैठक हलमा प्रदेशसभाका ज्येष्ठ सदस्य मानबहादुर रावलले नवनिर्वाचित प्रदेशसभा सदस्यहरूलाई शपथ ग्रहण गराउनुभएको हो ।

त्यसअघि, सुदूरपश्चिम प्रदेशका प्रमुख देवराज जोशीले ज्येष्ठ सदस्य रावललाई प्रदेशसभा सदस्यको शपथ गराउनु भएको थियो ।

सुदूरपश्चिम प्रदेशसभामा रहनुभएका ५३ सदस्यीय मध्ये ६ जना प्रदेशसभा सदस्यले आज मातृ भाषा (थारु)मा शपथ लिनुभयो ।

यसैबिच प्रदेशसभाको पहिलो बैठक पुस १८ गते दिउसो १ः०० बजेका लागि आह्वान गरिएको प्रदेशसभा सचिवालयले जनाएको छ ।

क्याटेगोरी : समाचार
ट्याग : #सुदूरपश्चिम  प्रदेश

---

---

---