पञ्चेश्वर र पश्चिम सेती परियोजना बनाउनेछौँ : शेर बहादुर देउवा

साझापाना २०७९ कात्तिक २३ गते १७:३६ मा प्रकाशित

बैतडी । प्रधानमन्त्री एवं नेपाली कांग्रेसका सभापति शेर बहादुर देउवाले बैतडीको पाटनमा आयोजित चुनावी बृहत् आमसभाको सम्बोधन गर्नुभएको छ ।

सम्बोधनका क्रममा प्रधानमन्त्री देउवाले पश्चिम सेती जलविद्युत परियोजना निर्माणको प्रक्रिया अघि बढिसकेको र पञ्चेश्वर परियोजना निर्माणको प्रक्रिया थालनी गर्ने बताउनुभयो ।सेती र महाकाली नदिमा उत्पादन भएको विद्युतले देशको अर्थतन्त्र विकासमा महत्त्वपूर्ण भूमिका खेल्ने भन्दै उहाँले उक्त परियोजनाहरू बनाउन जरुरी रहेको बताउनुभयो । पञ्चेश्वर बहुउद्देश्यीय परियोजनाका लागि भारत सरकार सकारात्मक देखिएकाले उक्त बहुउद्देश्यीय परियोजनाको काम आगामी सरकारले सुरु गर्ने प्रतिबद्धता व्यक्त गर्नुभयो । उहाँले विकास निर्माणका लागी आसन्न मङ्सिर ४मा हुने चुनावमा लोकतान्त्रिक बाम गठबन्धनका उम्मेदवारलाई विजयी गराउन आग्रह गर्नुभयो ।

कार्यक्रममा सहभागी नेकपा माओवादी केन्द्रका अध्यक्ष पुष्पकमल दाहालले आगामी सरकार बाम लोकतान्त्रिक गठबन्धनको बनेमा सुदूरपश्चिमको विकासलाई प्राथमिकता दिने बताउनुभयो ।

क्याटेगोरी : समाचार
ट्याग : #पञ्चेश्वर र पश्चिम सेती परियोजना बनाउनेछौँ : प्रधानमन्त्री देउवा, #शेर बहादुर देउवा