Techie IT
सोमबार, फागुन १४,२०८०

कविन्द्र घिमिरेको गजल पैसा


पैसा छैन भन्दै थियो घरमा जिरा किन्न 
फेरि कता बाट आयो पैसा मदिरा किन्न

आमाको त्यो फाटेको चोली पुलुक्क हेर्दै,
छोरा बुहारी बजार गएका छन् हिरा किन्न

पढ्नेलाई के थाहा? पर्नेहरुलाई सोध्नुहोस्,
यहाँ मान्छे कसरी बाध्य हुन्छ धमिरा किन्न

चिन्नेहरुले पो यार्सागुम्बा चिन्छन् किन्छन्,
नचिन्नेहरु सोच्छन को जान्छ किरा किन्न

संसारको कुनै माईकलालले नि सक्दैन,
तिमी बसेको यो धमनी किन्न शिरा किन्न ।।

@ कविन्द्र घिमिरे
ककनी २ नुवाकोट


क्याटेगोरी : विचार/बहस
ट्याग : #पैसा


तपाईको कमेन्ट लेख्नुहोस्


Kathmandu
Mist
6:31 am6:01 pm +0545