नेकपा एमालेको ११ औँ महाधिवेशनको सरगर्मी बढिरहेका बेला पार्टीका वरिष्ठ उपाध्यक्ष ईश्वर पोखरेलले पार्टी अध्यक्ष केपी शर्मा ओलीसँग बिहीबार भेटवार्ता गरेका छन् ।

एमाले नेता महेश बस्नेतका अनुसार पोखरेल आफ्नो समूहका नेताहरू लिएर ओलीसँग भेट्न गुन्डु पुगेका हुन् । पोखरेलसँग अष्टलक्ष्मी शाक्य, युवराज ज्ञवाली, सुरेन्द्र पाण्डे र योगेश भट्टराई पनि सहभागी थिए । भेटवार्ता करिब ३ घण्टासम्म चलेको थियो ।

उपाध्यक्ष पोखरेलले यसअघि नै अध्यक्ष पदमा आफ्नो उम्मेदवारी रहने घोषणा गरिसकेका छन् । अध्यक्ष ओलीले भने सहमतिमै नेतृत्व चयन गर्नुपर्नेमा जोड दिँदै आएका छन् ।

महाधिवेशनको पूर्वसन्ध्या भएको यस भेटवार्तालाई चासोका साथ हेरिएको छ । बैठकमा भएको कुराकानीको विस्तृत विवरण भने सार्वजनिक भएको छैन ।

थप समाचार

विद्यार्थी राजनीतिदेखि एमाले नेतृत्वसम्म : डीबी साउँद केन्द्रीय सदस्यका दावेदार

एमालेको एघारौँ राष्ट्रिय महाधिवेशनका लागि ‘नवयुग’ ई–बुलेटिनको शुभारम्भ

बर्दिवासमा नवआगन्तुक कार्यालय प्रमुखहरूको सम्मान

उजुरी हाल्नेविरूद्व आक्रोशित हर्क, भने- मकै रोप्दा पनि मुद्दा हाल्छन्,…