राप्रपा नेपालको केन्द्रीय समिति बैठक पुस १९ र २० गते

साझा पाना २०८१ पुस १६ गते ११:३५ मा प्रकाशित

काठमाडौं, १६ पुस । राप्रपा नेपालको केन्द्रीय कार्यसमितिको बैठक यही पुस १९ र २० गते काठमाडौंमा बस्ने भएको छ ।

बैठकमा पार्टी अध्यक्ष कमल थापाले मुलुकको समसामयिक परिस्थिति र पार्टीको भावि कार्यदिशा र कार्यक्रमबारे कार्यपत्र प्रस्तुत गर्ने कार्यसूची रहेको पार्टीका महामन्त्री राजाराम बर्तौलाले जानकारी दिए ।

उनका अनुसार बैठकमा पार्टीका पदाधिकारीबाट संगठन, प्रशिक्षण, महाधिवेशन, आन्दोलन र आर्थिक विषयमा प्रतिवेदन पेश हुनेछ । उनले अहिले मुलुकमा ब्रम्हलुट र मनपरितन्त्र रहेको भन्दै त्यसको विकल्प आन्दोलन भएकाले बैठकमा सबै राष्ट्रवादी, प्रजातन्त्रवादी, हिन्दुवादी, राजावादीहरु एक भएर आन्दोलनमा जानुपर्नेमा विशेष जोड दिइनेसमेत बताए । स्थानीय तहहरुको अधिवेशन, भातृ संगठनहरुको क्रियाशिलताका बारेमा पनि बैठकमा छलफल हुने उनको भनाइ छ ।

यसैगरी, बैठकमा पुस २७ गते राष्ट्रिय एकता दिवस भव्यतापूर्वक मनाउनेसमेत निर्णय हुने बताइएको छ ।

क्याटेगोरी : राजनीति
ट्याग : #breaking, #राप्रपा नेपालको केन्द्रीय समिति बैठक पुस १९ र २० गते