एमालेले गर्यो हेटौँडाको मेयर र उपमेयरमा तीन–तीन जनाको नाम सिफारिस

साझा पाना २०७८ चैत्र ३० गते ०९:३४ मा प्रकाशित

हेटौँडा । नेकपा एमालेले हेटौँडा उपमहानगरपालिकाको मेयर र उपमेयर पदका लागि ३–३ जनाको नाम सिफारिस गरेको छ ।

मंगलबार बसेको उपमहानगर कमिटीको बैठकले सर्वसहमतिमा उम्मेदवार टुंगो लगाउन नसकेपछि ३र३ जनाको नाम जिल्ला कमिटीमा सिफारिस गरेको जनाएको छ ।

मेयर पदमा अहिलेका मेयर हरिबहादुर महत, पूर्व सांसद अनन्त प्रसाद पौडेल र जिल्ला समन्वय समिति मकवानपुर सदस्य गणेशकुमारी श्रेष्ठलाई सिफारिस गर्ने निर्णय गरेको हो ।

यस्तै उपमेयरमा सुमित्रा काफ्ले, आरती पाठक र ईन्द्र प्रसाद नेपालको नाम सिफारिस गरिएको छ । बुधबार जिल्ला कमिटीको बैठकबाट उम्मेदवारको टुंगो लगाउने नेकपा एमाले मकवानपुरका अध्यक्ष एकलाल श्रेष्ठले बताए ।

क्याटेगोरी : राजनीति, विशेष