Techie IT
सोमबार, असार ११,२०८१

विभिन्न दलका नेतालाई पार्टी प्रवेश गराउन अध्यक्ष ओली आज कपिलवस्तु जाँदै


काठमाडौं । विभिन्न दलका नेता तथा कार्यकर्तालाई आफ्नो पार्टीमा प्रवेश गराउन एमालेका अध्यक्ष केपी शर्मा ओली आज कपिलवस्तु जाने भएका छन् ।

संघीय सांसद बृजेशकुमार गुप्तासहित सत्ता गठबन्धनका केन्द्र, प्रदेश र जिल्लाका नेतासहित विभिन्न नेता तथा कार्यकर्तालाई पार्टी प्रवेश गराउन अध्यक्ष ओली कपिलवस्तु जान लागेको एमाले लुम्बिनी प्रदेश कमिटीले जनाएको छ ।

एमाले कपिलवस्तुले पार्टी अध्यक्ष ओली जिल्लामा आउने भएपछि चुनावसभाको आयोजना गरी अन्य पार्टीका नेता कार्यकर्तालाई पार्टी प्रवेश गराउने योजना बनाएको बताइएको छ ।

एमालेका केन्द्रीय सदस्य तथा कपिलवस्तु इन्चार्ज बलराम अधिकारीले सोमबारको चुनावी सभाले कपिलवस्तुका १० वटै स्थानीय तहमा एमालेले पकड जमाउन सक्षम भएको सन्देश दिने जानकारी दिए ।

चुनावी सभामार्फत संघीय सांसद गुप्ता, प्रदेश सांसद धर्म वहादुरलाल श्रीवास्तव सहित क्षेत्र नं २ र १ वाट पाँच हजार वढी अगुवा कार्यकर्ता एमालेमा प्रवेश गर्ने बताइएको छ ।

यसअघि समाजसेवी मंगलप्रसाद गुप्तासहित चार हजार बढीलाई टीका लगाएर स्वागत गर्न अध्यक्ष ओली तीन महिना पहिले कपिलवस्तु गएका थिए । अध्यक्ष ओलीले सोमबार बिहान भैरहवामा आयोजित पार्टी प्रवेश तथा अगुवा कार्यकर्ता भेलालाई सम्बोधन गर्ने कार्यक्रम रहेको बताइएको छ ।


क्याटेगोरी : राजनीति


तपाईको कमेन्ट लेख्नुहोस्


Kathmandu
25°
Mostly Cloudy
5:09 am7:03 pm +0545