सीता पौडेल

काठमाडौं । प्रधानमन्त्री केपी शर्मा ओलीले नयाँ वर्ष २०७८ को सम्पूर्ण नेपालीहरुलाई शुभकामना दिदै कोभिड १९ को महामारीका बाबजुद पनि २०७७ साार्थक
नै रहेको दावी गरेका छन् । नयाँ वर्ष २०७८ को अवसरमा नेपाल टेलिभिजनबाट सम्पूर्ण नेपालीहरुलाई प्रत्यक्ष सम्वोधन गदै प्रधानमन्त्री ओलीले सो दावी गरेका हुन् ।

कोरोना कहरविच पनि नेपालमा सरकारका तर्फबाट धेरै सकारात्मक एवम् विकास निर्माण र जनतालाई प्रत्यक्ष तथा अप्रत्यक्ष लाभ हुने धेरै काम भएको दावी गदै प्रधानमन्त्री ओलीले भने, ‘ कोभिड १९ को प्रतिकुल अवस्थामा पनि हामीले धेरै महत्वपूर्ण उपलब्धी हासिल गरेका छौं । यसलाई असफल होइन, सफल वर्ष नै मान्नुपर्छ ।’

हिंसाको बाटो लिइरहेको समूहलाई शान्तिपूर्ण राजनीतिको मूलधारमा फर्काउनु , मेलम्चीलाई काठमाडौं वासीका धारामा पुर्‍याउनु लगायतका राम्रा कामहरुमा सरकारले सार्थकता पाएको उनको दाबी छ ।

साथै सरकारले सही नीतिहरुको अवलम्बनबाट कोभिड १९ को क्षति न्यूनीकरण गर्न सफल भएको पनि  उनको भनाई छ ।

प्रधानमन्त्री आलीले भने ‘ हामीले धेरै आशा जगाउने काम गरेका छौं । केही पनि भएन भनेर जनतामा असन्तुष्टि जगाउने प्रयास भए पनिसरकार विचलित भएन । सरकारका क्रियाकलापप्रति भरोसा जगाउने कामहरु लगातार गर्‍यौं,’ आलीले भने ।

कोरोना भाइरसको पुनः प्रभाव बढ्न थालेको भन्दै प्रधानमन्त्रीले जनतालाई सजकता अपनाउन आग्रह समेत गरेका छन् ।०७७ सालको पीडा यस वर्ष दोहोरिन नपाओस् भन्दै प्रधानमन्त्रीले भने , यसको प्रभावलाई न्युनिकरण गर्न हामी सजग हुनु पर्छ । यसर्थ पनि सरकारले जारी गरेका स्वास्थ्यका मापदण्डहरुको पूर्णरुपमा पालना गर्न म सबैमा आग्रह गर्छु । ’

 

क्याटेगोरी : राजनीति
ट्याग : ##प्रधानमन्त्रीको सम्वोधनः, #breaking

---

---

---