काठमाडौँ, पुस ३ गते । नेपाल प्रिमियर लिग (एनपिएल) को पहिलो क्वालिफायर खेलमा जितका लागि जनकपुर बोल्ट्सले सुदूरपश्चिम रोयल्सलाई एक सय ४० रनको सामान्य लक्ष्य दिएको छ ।

कीर्तिपुरस्थित त्रिवि मैदानमा जनकपुरले टस जितेर पहिले ब्याटिङ गरेको जनकपुरले निर्धारित २० ओभरमा नौ विकेटको क्षतिमा एक सय ३९ रन बनायो ।

जनकपुरका लागि जेम्स निसमले सर्वाधिक ४५ रन बनाउनुभयो । यस्तै शुभ कंशाकरले २६, ओपनर लाहिरु मिलान्था र हर्ष थाकरले १२–१२ र कप्तान आशिफ शेख र अरनिको यादवले ११–११ रन बनाउनुभयो ।

बलिङमा सुदूरपश्चिमका कप्तान दीपेन्द्रसिंह ऐरीले तीन विकेट लिनुभयो । सईफ जैवले दुई तथा स्कट कग्लेजिन र अविनाश बोहराले एक एक विकेट लिनुभयो ।

जारी प्रतियोगितामा सुदूरपश्चिम बलियो देखिएको छ । लिग चरणको सातमध्ये एउटा खेलमा मात्र पराजय भोगेको सुदूरपश्चिमको ब्याटिङ र बलिङ लयमा छ ।

जनकपुरले लिगको सात खेलमा पाँच जित र दुई हारको नतिजा आत्मसात् गरेको थियो ।

सुदूरपश्चिम र जनकपुरबिचको पहिलो क्वालिफायर खेलको विजेता सोझै फाइनलमा पुग्ने हुनाले आजको यस खेल निकै महत्वपूर्ण रहेको छ ।

यस्तै आजै भएको एलिमिनेटर खेलमा कर्णालीले चितवन राइनोजलाई २१ रनले हराएर दोसो क्वालिफायरमा स्थान बनाएको छ । पराजित चितवन चौथो बन्दै बाहिरिएको छ ।

क्याटेगोरी : फोटो फिचर
ट्याग : #breaking, #एनपिएल क्वालिफायर : सुदूरपश्चिम र जनकपुरको पहिलो इनिङ (फोटो फिचर)

---

---

---