टोखामा ७९६ जनामा कोभीड जाचँ गर्दा १३ जनामा आरडिटि पोजेटिभ देखियो

साझापाना २०७७ जेठ ८ गते ०९:०९ मा प्रकाशित

टोखा नगरपालिकाका १३ जनामा आरडीटी (कोरोना भाइरसर छिटो डायग्नोस्टिक परीक्षण) पोजिटिभ देखिएका छन् ।

टोखा चण्डेश्वरी प्राथमिक स्वास्थ्य केन्द्रमा १,२,३ र ७ वडाका १५४ जनामा आरडीटी परीक्षण गरिएकोमा ७ जनामा आरडीटी पोजिटिभ देखिएको थियो । जस अनुसार १ वडाका १ पुरुष, ३ वडाका १ पुरुष (मेडिकल स्टोर) र ६ वडाका ३ पुरुष र २ महिलामा आरडीटी पोजेटिभ देखिएको हो । ६ वडाका आरडीटी पोजिटिभ देखिएका ४ जना तरकारी व्यवसायी र एक महिला मेडिकल स्टोरका रहेका छन् ।

टोखा नगरपालिकाले बुधबार टोखा चण्डेश्वरी प्राथमिक स्वास्थ्य केन्द्र , श्रीसमाज भवन, हेराल्ड कलेज र कान्तिपुर पब्लिक स्कुल गंगबुमा ५०८ जनाको आरडीटी परीक्षण गरिएकोमा १३ जनामा पोजिटिभ देखिएको टोखा नगरपालिका स्वास्थ्य शाखाले जनाएका छन् ।

आरडिटीमा १३ जनाको पोजेटिभ देखिएको कुरा टोखा नगरपालिकाको नगर प्रमुख प्रकाश अधिकारीले बताउनुभयो । अधिकारीका अनुसार आरडिटि पोजेटिभहरुलाई नगरपालिकाको क्वारेन्टाइनमा राखिएको छ ।

नीज व्यक्तिहरुको पिसिआर जाँचको लागि टेकुमा स्याम्पल पठाइएको छ । कोरोना टेष्टका लागि टोखा प्राथमिक स्वास्थ्य केन्द्र र ग्राण्डी अस्पतालले ८८ जनाको पिसिआर र २४२ जनाको आरडिटि परिक्षण गरेको थियो ।

क्याटेगोरी : समाचार
ट्याग : #टोखा