एमाले मुख्यालयमा बाढी पस्यो

साझापाना २०८१ साउन १६ गते ११:५२ मा प्रकाशित

काठमाडौं, १६ साउन । गएरातिको अविरल वर्षाका कारण ललितपुरको च्यासलस्थित नेकपा (एमाले)को केन्द्रीय कार्यालयमा बाढी पसेको छ ।

च्यासलस्थित मनहरा खोलामा आएको बाढीले एमाले मुख्यालय परिसर जलमग्न भएको हो ।

पार्टी कार्यालयको हाताभित्र बाढी पस्दा क्षति पुगेको एमाले उपमहासचिव विष्णु रिमालले जानकारी दिनुभएको छ । उपमहासचिव रिमालले पार्टी कार्यालयमा फेरि बाढी पसेको भन्दै फेसबुकमा एक भिडिओ सेयर गर्नुभएको हो ।

गएरातिको भारी वर्षाले काठमाडौं उपत्यकाका अधिकांश ठाउँ जलमग्न भएका छन् ।

क्याटेगोरी : समाचार
ट्याग : #एमाले मुख्यालयमा बाढी पस्यो