काठमाडौं, ९ साउन । आज दुर्घटनाग्रस्त भएको सौर्य एयरलाइन्सको जहाजका पाइलट मनिष शाक्य भाग्यले बाँच्नुभएको छ । जहाजमा सवार अन्य सबै १८ जनाको मृत्यु हुँदा उहाँ मात्रै बाँच्ने सफल हुनुभयो । हजाइजहाज दुर्घटनामा बाँच्ने सम्भावना अत्यन्त न्यून रहन्छ ।

पाइलट शाक्यलाई उद्वार टोलीले कन्टेनर भित्रबाट निकालेको थियो । जहाज भुईँमा खसेर छेउमा राखिएको कन्टेरमा ठोक्किँन पुगेको थियो । जसले गर्दा विमानको अगाडिको भाग त्यसैमा अड्किएको र बाँकी भाग तल बजारिएको थियो ।

विमानको अगाडिको माग कन्टेनरमा अड्किँदा पाइलट शाक्य पनि कन्टेनरभित्र परेर बाँच्न सफल हुनुभएको हो। अहिले शाक्यको उपचार भइरहेको उहाँको अवस्था खतरामुक्त रहेको बताइएको छ ।

क्याटेगोरी : समाचार
ट्याग : #breaking, #कसरी बाँचे दुर्घटनाग्रस्त जहाजका पाइलट शाक्य ?

---

---

---