काठमाडौं, ३ साउन । अमेरिकी राष्ट्रपति जो बाइडेनलाई कोरोना भाइरस (कोभिड–१९) संक्रमण पुष्टि भएको छ ।

ह्वाइट हाउसले राष्ट्रपतिलाई खोप लगाइएको र अहिले आराम गरिरहेको बताएको छ । बाइडेनलाई यसअघि पनि दुई पटक कोरोना संक्रमण भइसकेको छ ।

८१ वर्षीय बाइडेन बुधबार लास भेगासमा भएको चुनावी सभामा भाग लिन पग्नुभएको थियो । एउटा कार्यक्रममा सहभागी हुनुभएका उहाँले त्यसपछिका कार्यक्रम रद्द गर्नुभएको थियो ।

गत जुनको अन्त्यमा ट्रम्पसँगको चुनावी बहसमा खराब प्रदर्शनपछि उमेरका कारण पद छोड्न उहाँमाथि चर्को दबाब आएको छ । फेरि उहाँलाई यहि समयमा यो रोग लागेको हो ।

राष्ट्रपति बाइडेनलाई डेलावेयरस्थित आफ्नो निवासमा आइसोलेट गर्ने लागिएको ह्वाइट हाउसले जनाएको छ ।

त्यस्तै, ह्वाइट हाउसले बाइडेनको डाक्टरको नोट पनि सार्वजनिक गरेको छ । ह्वाइट हाउसले सार्वजनिक गरेको नोटमा बाइडेनलाई श्वासप्रश्वासका लक्षणहरू, नाकबाट सिगान बग्ने र खोकी लागेको बताएको छ ।

क्याटेगोरी : समाचार
ट्याग : #hot, #अमेरिकी राष्ट्रपति बाइडेनलाई कोरोना संक्रमण

---

---

---