पेट्रोलियम पदार्थको मूल्य घटे पनि सार्वजनिक सवारीको भाडा नघट्ने

साझा पाना २०८० कात्तिक १ गते १३:२३ मा प्रकाशित

काठमाडौं । नेपाल आयल निगमले पेट्रोलियम पदार्थको मूल्य घटाएको छ । निगमले आइतबार रातिबाट लागु हुनेगरी पेट्रोल प्रतिलिटर ११ रुपियाँ र डिजेल प्रतिलिटर पाँच रुपियाँ घटाए पनि सार्वजनिक सवारी साधनको भाडा भने नघट्ने भएको छ ।

काठमाडौँमा पेट्रोलको मूल्य अब प्रतिलिटर १७२ रुपियाँ पर्ने भएको छ । डिजेलको मूल्य प्रतिलिटर १६८ रुपियाँ पर्नेछ । निगमले पेट्रोलियम पदार्थको मूल्य स्वचालित प्रणालीमा रहेको जनाएको छ । भारतीय आयल कर्पोरेसनले पठाएको नयाँ मूल्यको आधारमा नेपालमा पनि मूल्यलाई बढाउने वा घटाउने गरिन्छ । निगमले पेट्रोलियम पदार्थको मूल्य घटाए पनि सार्वजनिक सवारीको भाडा भने नघट्ने बताइएको छ ।

क्याटेगोरी : समाचार, स्थानीय