संखुवासभा । आरोहणको विश्व कीर्तिमान बनाएका नेपाली आरोही तेन्जेन लामाको निधन भएको छ ।

प्रख्यात आरोही संखुवासभाका शेर्पाको चीनको सिसापाङ्मा हिमालमा शनिबार आएको हिमपहिरोमा परी निधन भएको हो।

शेर्पा किदुक संखुवासभाका सम्रक्षक सदस्य समेत रहेका कीर्तिमानी आरोही शेर्पाले ८ हजार मिटर भन्दा माथिका १४ वटै हिमाल अत्यन्त छोटो समय मात्र ९२ दिनमा आरोहण गरेर बिश्वकीर्तिमान कायम गरेका थिए ।

सिसापाङ्मा हिमाल आरोहणको क्रममा अचानक हिमपहिरोमा परि उनको मृत्यु भएको हो । कीर्तिमान कायम गरेको छोटो समयमै उनको मृत्यु भएको सेभेनसमिटका हिमाल अरोही लाक्पा शेर्पाले बताउनुभयो । उनको मृत्युबाट नेपालको पर्वतीय पर्यटनमा अपुरणिय क्षति पुगेको आरोहिहरुले जनाएकाछन् । उनीसंगै अन्य तीनजना आरोहीको समेत हिम पहिरोमा परि मृत्यु भएको छ ।

९२ दिनमा ८ हजार माथिका १४ वटा हिमाल अराोहण गरेर बिश्वकीर्तिमान कायम गरेका शेर्पालाई बिभिन्न संघ संस्थाले सम्मान गरेका थिए । तर, उनको कीर्तिमान सधैकालागि छाडेर गएपनि हिमाल अरोहणमा उनको नाम सधै रहि रहने छ ।

क्याटेगोरी : समाचार
ट्याग : #breaking, #hot, #मृत्यु, #विश्व कीर्तिमान तेन्जेन शेर्पा, #संखुवासभा, #हिमपहिरो

---

---

---