काठमाडौं । प्रधानमन्त्री पुष्पकमल दाहालले चिनियाँ लगानीकर्ताहरुका लागि नेपाल अवसरको भूमि रहेको बताउनु भएको छ ।

आज बेइजिङमा नेपाल उद्योग वाणिज्य महासंघ र चाइना काउन्सिल फर प्रमोसन अफ इन्टरनेशनल ट्रेड फोरममा उहाँले चीनको लागि नेपाल लगानीको वातावरण उपयुक्त भएको मुलुक भएको बताउनु भएको हो ।

उहाँले नेपालको जलस्रोत, कृषि, पर्यटन र सूचना प्रविधिको क्षेत्रमा लगानी गरी नाफा कमाउन सकिने समेत बताउनुभयो ।

प्रधानमन्त्रीको रुपमा आफ्नो तेस्रो भ्रमण भएको भन्दै उहाँ चीनले पूर्वधार, औद्यौगिक, गरिवी निवारण, शिक्षा र स्वास्थ्य सेवामा ठुलो फड्को मारेकोमा खुशी समेत व्यक्त गर्नुभयो ।

क्याटेगोरी : समाचार
ट्याग : #पुष्पकमल दाहाल

---

---

---