डडेल्धुरा । डडेल्धुरामा एक २० वर्षीया युवतीलाई जबरजस्ती करणी गरेको अभियोगमा ३ जनालाई प्रहरीले पक्राउ गरेको छ।

पक्राउ पर्नेहरूमा भागेश्वर गाउँपालिका(३ ओड गाउँका २३ वर्षीय कमल ओड, २२ वर्षीय तपेन्द्र ओड र २८ वर्षीय दीपक ओड रहेका छन् । अर्का १८ वर्षीय किशोर भने फरार छन्।

कमल र १८ वर्षीय किशोरले ती युवतीलाई गत वैशाख(५ गते दिउँसो सोही ठाउँस्थित नानिगाड खोलामा करणी गरेको खुलेको छ। त्यस्तै तपेन्द्र र दिपकले गत वैशाख १२ गते साँझ सोही गाउँपालिका डेकास्थित बाझो घरको गोठमा लगेर जबरजस्ती करणी गरेको उनीहरुमाथि उजुरी परेको छ।

जिल्ला प्रहरी कार्यालय डडेल्धुरा र प्रहरी चौकी लामिकाण्डेबाट खटिएको प्रहरीले तीन जनालाई पक्राउ गरेको हो। घटनामा संलग्न मुख्य किशोर भने फरार छन् । फरार किशोरको प्रहरीले तीव्र खोजी गरिरहेको जनाएको छ।

क्याटेगोरी : अपराध/सुरक्षा, समाचार
ट्याग : #सामूहिक बलात्कार

---

---

---