काठमाडौँ असार ११ । आज पश्चिमि क्षेत्रका कोशी, कन्काई, नारायणी, कर्णाली, महाकाली, बबई, पश्चिम राप्ती, कमला, बाग्मती पूर्वी राप्ती नदीहरुमा आकस्मिक बहावको जोखिम रहेको छ । बाढी पूर्वानुमान महाशाखाका अनुसार आज केही नदीहरुको बहाव सतर्कता तहभन्दा बढी हुनेछ ।

आज बाँके, बर्दिया, कैलाली, कन्चनपुर, डडेल्धुरा, रुपन्देही, कपिलवस्तु, दाङ, सुर्खेत, सल्यान, कालिकोट, अछाम, बैतडी, दार्चुला, डोटी, बझाङ, बाजुरा, दोलखा, सिन्धुपाल्चोक र आसपास भई बहने केही संंसाना नदीहरूमा आकस्मिक बहावको जोखिम रहने पूर्वानुमान छ । यस्तै रामेछाप, धादिङ, नुवाकोट, मकवानपुर, दैलेख, जाजरकोट र आसपास भई बहने केही ससाना नदीहरूमा बहाव बढ्न सक्ने पूर्वानुमान छ ।

आज महाकाली र यसका सहायक नदीहरूमा जलसतह उल्लेख्य बढ्ने र केहीमा सतर्कता तह सम्म पुग्न सक्ने पूर्वानुमान रहेकाले महाकालीको तटीय क्षेत्रहरूमा सतर्कता अपनाउन महाशाखाको अनुरोध छ ।

 

क्याटेगोरी : समाचार
ट्याग : #news, #केही नदीहरु आकस्मिक बहावको जोखिमाम

---

---

---