म्यानचेस्टर युनाईटेड काराबाओ कपको फाइनलमा प्रवेश

साझा पाना २०७९ माघ १९ गते ११:४६ मा प्रकाशित

काठमाडौं । नटिङघम फरेष्टलाई हराउँदै म्यानचेस्टर युनाइटेड लिग कप फुटबलको फाइनलमा प्रवेश गरेको छ ।

बुधबार राति भएको सेमिफाइनलको दोस्रो लेगमा नटिङघमलाई २–० ले हराउँदै समग्रमा ५–० को जितसहित युनाईटेड फाइनलमा प्रवेश गरेको हो । पहिलो लेगमा युनाईटेडले ३–० को अग्रता बनाएको थियो ।

दोस्रो लेगमा युनाईटेडका लागि एन्थोनी मार्सियल र फ्रेडले एक/एक गोल गरे ।

खेलको ७३ औं मिनेटमा मार्सियलले गोल गर्दै युनाईटेडलाई अग्रता दिलाए । त्यसपछि ७६ औं मिनेटमा फ्रेडले गोल गर्दै युनाईटेडलाई २–० को जित दिलाए ।

अब युनाईटेडले उपाधिका लागि न्युकासल युनाईटेडसँग खेल्नेछ । पहिलो सेमिफाइनलमा साउथह्याम्पटनलाई हराउँदै न्युकासल युनाइटेड फाइनलमा पुगेको हो ।

काराबाओ कप फुटबलको फाइनल खेल यही फेब्रुअरी २६ तारिखको दिन वेम्बले रंगशालामा हुनेछ ।

क्याटेगोरी : खेलकुद, समाचार
ट्याग : #म्यानचेस्टर युनाईटेड