सुदूरपश्चिम प्रदेशमा सभामुख चयनका लागि आज निर्वाचन हुँदै

साझा पाना २०७९ पुस २८ गते ११:२५ मा प्रकाशित

काठमाडौं । सुदूरपश्चिम प्रदेश सभामा सभामुख चयनका लागि बिहीबार निर्वाचन हुँदैछ ।

बिहीबार दिउँसो १ बजे हुने सभामुख निर्वाचनका लागि बुधबार मनोनयन दर्ता गरिएको थियो । जसअनुसार नेपाली कांग्रेसका मानबहादुर रावल र नेकपा (माओवादी केन्द्र) का भीम भण्डारीले सभामुखमा उम्मेदवारी दिएका छन् ।

भण्डारीलाई एमाले, नागरिक उन्मुक्ति र राप्रपाको समर्थन रहेको छ भने रावललाई नेकपा एकीकृत समाजवादीको साथ रहेको छ ।

५३ सदस्यीय प्रदेशसभामा नेपाली काग्रेसका १९, नेकपा (माओवादी केन्द्र) का ११, नेकपा (एमाले)का १०, नागरिक उन्मुक्ती पार्टीका ७, नेकपा (एकीकृत समाजवादीं का ४ तथा राप्रपा र स्वतन्त्रका एक एक जना सासंद छन् ।

क्याटेगोरी : समाचार
ट्याग : #सुदूरपश्चिम प्रदेश