काठमाडौं । नेकपा (एमाले) का अध्यक्ष एवम् पूर्व प्रधानमन्त्री केपी शर्मा ओलीले राष्ट्रपति विद्यादेवी भण्डारीसँग भेटवार्ता गरेका छन् । राष्ट्रपति भेट्न ओली आज शितलनिवास पुगेका हुन् ।

निर्वाचन आयोगले राष्ट्रपति र उपराष्ट्रपतिको निर्वाचनको तयारी गरिरहेको र प्रधानमन्त्री पुष्पकमल दाहालले संसद्मा विश्वासको मत लिन लागिरहेको सन्दर्भमा ओलीले राष्ट्रपति भण्डारीसँग भेटवार्ता गरेका हुन् ।

एमालेनिकट स्रोतकाअनुसार राष्ट्रपति भण्डारीसँग ओलीले दुई घण्टा लामो भेटवार्ता गरेका हुन् । पछिल्लो समय ओलीले आफ्नो राजनीतिक सक्रियता बढाएका छन् ।

एमालेकै समर्थनमा प्रचण्ड मुलुकको ४४औं प्रधानमन्त्री बनेका छन् । प्रचण्डलाई प्रधानमन्त्री बनाउन राप्रपा र रास्वपाको समर्थन पनि ओलीलै नै जुटाउन भूमिका खेलेका हुन् ।

क्याटेगोरी : समाचार
ट्याग : #breaking, #केपी शर्मा ओली, #विद्यादेवी भण्डारी

---

---

---