सुनसरी । सुनसरी क्षेत्र नम्बर ३ को प्रतिनिधि सभा सदस्य निर्वाचनको प्रारम्भिक मत गणनामा नेकपा एमालेकी उम्मेदवार भगवती चौधरीले अग्रता कायम गर्नुभएको छ ।

शुक्रबार बिहानसम्म एमालेकी उम्मेदवार चौधरीले ११ हजार ७ सय १६ मत प्राप्त गरेर अग्रता कायम गर्नुभएको हो । उहाँका निकटतम प्रतिस्पर्धी नेपाली कांग्रेसका उम्मेदवार विजय गच्छदारले ७ हजार ३२३ मत प्राप्त गर्दै पछ्याईरहनुभएको छ । २०४८ सालदेखि निरन्तर रुपमा चुनाव लडेर पटक(पटक मन्त्री बन्नुभएका गच्छदारलाई यसपटक संसद भवन प्रवेशमा ब्रेक लाग्ने भएको छ ।

साथै राष्ट्रिय स्वतन्त्र पार्टीका कमल बाबु मैनालीले सुरूवातमा अग्रता लिएपनि उहाँ तेस्रो स्थानमा झर्नु भएको छ। उहाँले ४ हजार ८ सय ५५ मत प्राप्त गरेर चौधरी र गच्छदारलाई पछ्याईरहनुभएको छ ।

गच्छदारसँग दोस्रो पटक पराजित भएकी चौधरी तेस्रो पटको प्रतिस्पर्धामा जिततर्फ अगाडि बढ्नुभएको छ ।

क्याटेगोरी : समाचार
ट्याग : #breaking, #भगवती चौधरी, #भगवती चौधरीको अग्रता कायम, #विजय गच्छदार

---

---

---