रुकुमपश्चिममा जनार्दन शर्माको अग्रता कायमै

साझा पाना २०७९ मंसीर ७ गते २२:०५ मा प्रकाशित

रुकुमपश्चिम । रुकुमपश्चिममा प्रतिनिधिसभामा वाम–लोकतान्त्रिक गठबन्धनका उम्मेदवार अर्थमन्त्री जनार्दन शर्माले मतान्तर फराकिलो पार्दै लग्नुभएको छ । जम्मा १९ हजार छ सय ११ मतगणना गर्दा शर्माले १२ हजार सात सय ३३ मत ल्याउनुभएको छ ।

नेकपा (एमाले) का नन्दराम देवकोटाले चार हजार छ सय ३२ मतसहित शर्मालाई पछ्याइरहनुभएको छ । उहाँहरु बीचको मतान्तर आठ हजार एक सय एक रहेको छ । त्यस्तै राप्रपाका दिपककुमार मल्लले चार सय ४४, मङ्गोल नेशनल अर्गनाइजेशनका हरिबहादुर पुनले २०, स्वतन्त्र उम्मेदवार तारक केसीले नौ सय ५५ र अर्का स्वतन्त्र उम्मेदवार राजन पाण्डेले १९ मत पाउनुभएको छ । प्रतिनिधिसभामा एकमात्र निर्वाचन क्षेत्र रहेको रुकुमपश्चिममा कूल ६० हजार पाँच सय २७ मत खसेको छ ।

क्याटेगोरी : समाचार
ट्याग : #जनार्दन शर्मा