लुम्बिनीका नौ निर्वाचन क्षेत्रमा एमाले अगाडि

साझा पाना २०७९ मंसीर ६ गते १५:४० मा प्रकाशित

बुटवल । लुम्बिनीका २६ निर्वाचन क्षेत्रमध्ये २५ क्षेत्रको मत परिणाम भइरहेको छ । गुल्मी २ मा रोकिएको एक केन्द्रमा आज मतदान भइरहेकाले मतगणना गर्न बाँकी छ । पछिल्लो अपडेट अनुसार नवलपरासीका दुई क्षेत्रमध्ये १ मा कांग्रेसका विनोद चौधरी र २ मा राप्रपाका ध्रुवबहादुर प्रधानले अग्रता लिईरहनुभएकाे छ ।

रुपन्देहीका ५ क्षेत्रमध्ये १ मा एमालेका छविलाल विक र ५ मा वासुदेव घिमिरे, २ मा राष्ट्रिय स्वतन्त्र पार्टीका गणेश पौडेल, ३ मा राप्रपाका दीपक बोहरा, ४ मा लोसपाका सर्वेन्द्रनाथ शुक्लाले अग्रता लिईरहनुभएकाे छ ।

पाल्पाका दुई क्षेत्रमा एमालेका उम्मेदारले अग्रता लिएका छन् । १ बाट नारायण आचार्य र २ मा ठाकुर गैरेले अग्रता लिनुभएकाे हाे । गुल्मी २ मा एमालेका गोकर्ण विष्टले अग्रता लिइरहनुभएकाे छ भने १ मा स्थगित भएको एक केन्द्रमा आज मतदान भएपछि गणना हुनेछ ।

अर्घाखाँचीमा एमालेका टोपबहादुर रायमाझीले अग्रता कायम राख्नुभएकाे छ । कपिलवस्तुको १ मा एमालेका बलाराम अधिकारीले अग्रता लिनुभएकाे ५ भने २ मा कांग्रेसका सुरेन्द्र आचार्य र ३ मा अभिषेक शाहले अग्रता लिइरहनुभएकाे छ ।

दाङका ३ क्षेत्रमध्ये १ मा नेकपा एसका मेटमणि चौधरी, २ मा माओवादीका रेखा शर्मा, ३ मा कांग्रेसका दीपक गिरीले अग्रता लिइरहनुभएकाे छ । बाँकेको १ मा एमालेका सूर्य ढकाल, २ मा राप्रपाका धवलशमशेर राणा र ३ मा कांग्रेका किशोरसिंह राठोरले अग्रता राख्नुभएकाे छ । बर्दिया १ मा नागरिक उन्मुक्तिका ठाकुरसिंह थारु र २ मा स्वतन्त्रका लालबिर चौधरीले अग्रता लिईरहनुभएकाे छ ।

रुकुमपूर्वमा माओवादीका पूर्णबहादुर घर्तीले अग्रता लिनुभएकाे छ । रोल्पामा माओवादीका वर्षमान पुनले अग्रता लिईरहनुभएकाे छ । मंगलबार मात्रै गणना सुरु भएको प्युठानमा एमालेका सूर्य थापाले सुरुवाती अग्रता लिनुभएकाे छ ।

एमाले
रुपन्देही-१ छविलाल विश्वकर्मा, ५ मा वासुदेव घिमिरे, पाल्पा–१ नारायण आचार्य, २ ठाकुर गैरे, गुल्मी–२ गोकर्ण विष्ट, अर्घाखाँची टोपबहादुर रायमाझी, प्यूठान सूर्य थापा, कपिलवस्तु-१ बलाराम अधिकारी, बाँके-१ सूर्य ढकाल

कांग्रेस
पश्चिम–नवलपरासी-१ विनोद चौधरी, कपिलवस्तु-२ सुरेन्द्र आचार्य र ३ मा अभिषेकप्रताप शाह, दाङ-३ दिपक गिरी, बाँके-३ किशोरसिंह राठौर

माओवादी
रुकुम पूर्व पूर्णबहादुर घर्ती, रोल्पा वर्षमान पुन, दाङ-२ रेखा शर्मा

राप्रपाः
पश्चिमनवलपरासी-२ ध्रुवबहादुर प्रधान, रुपन्देही-३ दीपक बोहरा, बाँके-२ धवलशमशेर राणा

स्वतन्त्र:
बर्दिया-२ लालबीर चौधरी

नागरिक उन्मुक्ति
बर्दिया-१ ठाकुरसिंह थारु

नेस्वपा
रुपन्देही– २ गणेश पौडेल

लोसपाः
रुपन्देही ४ सर्वेन्द्रनाथ शुक्ला

एकीकृत समाजवादी :
दाङ-१ मेटमणि चौधरी

क्याटेगोरी : समाचार
ट्याग : ##एमाले, #लुम्बिनीका नौ निर्वाचन क्षेत्रमा एमाले अगाडि