दार्चुलामा ट्र्याक्टर दुर्घटना चालकसहित दुई जनाको मृत्यु

साझा पाना २०७९ कात्तिक ६ गते १३:५१ मा प्रकाशित

दार्चुला दार्चुलाको शैल्यशिखर नगरपालिका–६ उल्लानीमा ट्र्याक्टर दुर्घटना हुँदा चालकसहित दुई जनाको मृत्यु भएको छ । दुई घाइते भएका छन् ।

सदरमुकाम खलङ्गाबाट गोकुलेश्वरतर्फ गइरहेको सुपप्र ०२००१ त १४६७ नम्बरको ट्र्याक्टर दुर्घटना भएको हो । ट्र्याक्टर सडकबाट करिब एक सय ५० मिटर तल खसेको थियो । ट्र्याक्टरमा चार जना सवार रहेको जिल्ला प्रहरी कार्यालयका प्रहरी निरीक्षक राजेश शाहीले जानकारी दिनुभयो ।

चालक र एक यात्रुको घटनास्थलमै मृत्यु भएको प्रहरीले जनाएको छ । घाइते दुवै जनाको गोकुलेश्वर अस्पतालमा उपचार भइरहेको छ ।

क्याटेगोरी : समाचार
ट्याग : #ट्र्याक्टर दुर्घटना, #दार्चुलामा ट्र्याक्टर दुर्घटना चालकसहित दुई जनाको मृत्यु