काठमाडौं, ५ कात्तिक । स्थानीय तह सदस्य निर्वाचन २०७९ मा उम्मेदवार भई निर्वाचन खर्चको विवरण तोकिएको समयावधिभित्र नबुझाउने उम्मेदवारले आज शनिबार बिदाको दिन पनि बुझाउन सक्ने भएका छन् ।

आयोगको असोज ३१ को निर्णयअनुसार उक्त व्यवस्था गरिएको हो । मंसिर ४ गते हुने प्रतिनिधि सभा सदस्य तथा प्रदेश सभा सदस्य समानुपातिक निर्वाचन प्रणालीतर्फ राजनीतिक दलले पेश गरेको बन्दसूचीमा समावेश भएको भए त्यस्ता उम्मेदवारहरू आफूलाई तोकिएको जरिवाना बापतको रकम कात्तिक ५ गते आज कार्यालय समयभित्र बुझाउन भनेको छ ।

कात्तिक ५ गते शनिबार बिदाको दिनमा समेत प्रदेश तथा जिल्ला निर्वाचन कार्यालयमा कार्यालय समयभित्र जरिवाना बुझाउने व्यवस्था मिलाएको आयोगले जनाएको छ । जरिवाना बापतको रकम नबुझाउने उम्मेदवारहरूको हकमा प्रतिनिधि सभा सदस्य तथा प्रदेश सभा सदस्य समानुपातिक निर्वाचन प्रणालीतर्फको बन्दसूचीबाट नाम हटाउने निर्णय आयोगबाट भएको समेत जनाएको छ ।

थप समाचार

योजनाबद्ध विकासको नमूना: बुढानीलकण्ठले जित्यो उत्कृष्ट नगरपालिका पुरस्कार

अमेरिका–इरान युद्धविराम वार्ता पाकिस्तानमा हुँदै, इस्लामाबादमा दुई दिन बिदा घोषणा

अमेरिका–इरान शान्ति वार्ताअघि इजरायल र पाकिस्तानबीच तनाव बढ्यो

उपसचिव र शाखा अधिकृतहरूको सरुवा, को कहाँ पुगे ?