Techie IT
शनिबार, असार ३०,२०८१

जबराको निवास खाली गर्न निर्देशन दिने गृहको तयारी


काठमाडौं । निलम्बनमा परेका प्रधानन्यायाधीश चोलेन्द्र शमशेर जबराको सरकारी निवासमा आजपनि प्रहरीको निगरानी कायमै रहेको छ । हिजोबाट प्रहरीले निवासमा निगरानी बढाएको हो । जबरा संसद्को कार्यकाल सकिएसँगै आफूविरुद्ध लागेको महाभियोग स्वतः खारेज भएको भन्दै अदालत फर्कन खोजेपछि प्रहरीले उनीमाथि अवरोध पुर्याएको चर्चा छ ।

जबरा आँफैले आफूलाई नजरबन्द गरिएको प्रतिक्रिया दिएपछि राष्ट्रिय मानवअधिकार आयोगको टोली पनि स्थलगत अध्ययनको लागि जबरा निवास पुगेको थियो । आयोगले साँझ विज्ञप्ती जारी गरेर जबरालाई अवरोध नगर्न सरकारसमक्ष आग्रह गरेको थियो ।

त्यसको भोलिपल्ट आजपनि जबराको निवासमा प्रहरीको निगरानी कायमै रहेको बताईएको छ । जबराको सुरक्षार्थ खटिएका गार्ड पनि सरकारले फिर्ता बोलाएको छ । गृह मन्त्रालयले केही दिनभित्रै जबरालाई सरकारी निवास खाली गर्न निर्देशन दिने तयारी गरेको छ ।


क्याटेगोरी : समाचार
ट्याग : #breaking, #चोलेन्द्र शमशेर जबरा, #जबराको निवास खाली गर्न निर्देशन दिने गृहको तयारी, #प्रधानन्यायाधीश


तपाईको कमेन्ट लेख्नुहोस्


Kathmandu
24°
Drizzle
5:16 am7:02 pm +0545