काठमाडौं । नेकपा एमालेका सांसद खगराज अधिकारीले केपी शर्मा ओली नेतृत्वको सरकारले अघि बढाएको १६५ निर्वाचन क्षेत्रको रणनीतिक सडकको योजनामा अहिलेको सरकारले चासो नदिएको बताएका छन् ।
बुधबार प्रतिनिधिसभाको बैठकमा बोल्दै उनले सरकारले विकास निर्माणका आयोजनामा गम्भीर षड्यन्त्र गरेको र सरकारलाई विकास विरोधीको आरोप लगाएका छन् ।

‘अघिल्लो सरकारले रणनीतिक महत्वका सडकहरु १६५ निर्वाचन क्षेत्रमै अगाडि बढायो । आज ती सुुुशुुप्त अवस्थामा छन् । या तिनलाई रोकिएको छ । प्रतिपक्ष प्रतिनिधिसभाका सदस्यहरुले सिफारिस गरेका ठाउँहरुमा बजेट निकासा नदिने वा तिनलाई कामयावी हुन नदिनेसम्मको काम गरिएको छ । सरकार विकास विरोधी हुनु हुँदैन । सरकारले यदि प्रतिशोध साँध्न खोजेको हो भने जनताले यसको जवाफ चाहन्छन् । ’

सांसद अधिकारीले केपी शर्मा ओली नेतृत्वको सरकारले गुठी विधेयक ल्याउँदा त्यसलाई भड्काउनेहरु अहिले सरकारमा रहेको भन्दै गुठी विधेयकको अवस्थाबारे जानकारी मागेका छन्

क्याटेगोरी : समाचार
ट्याग : #खगराज अधिकारी

---

---

---