एमालेलाई परास्त गर्नकै लागि गठबन्धन बनाइएको हो : रामकुमारी झाँक्री

साझापाना २०७९ भदौ २३ गते १५:०८ मा प्रकाशित

रुपन्देही । नेकपा एकीकृत समाजवादीकी केन्द्रीय सचिव एवम् पूर्वमन्त्री रामकुमारी झाँक्रीले नेकपा एमालेलाई परास्त गर्नकै लागि वर्तमान गठबन्धन निर्माण भएको बताएकी छिन् ।

आज बिहीबार बुटवलस्थित रिपोटर्स क्लबमा आयोजना गरिएको साक्षातकार कार्यक्रममा उनले गठबन्धनले एमालेलाई परास्त गरेरै छोड्ने विश्वास समेत व्यक्त गरेकी छिन् । एमालेले चुनाव जित्दा देश नबन्ने दाबी गर्दै उनले गठबन्बन्धनलाई चुनाव जिताउन पनि मतदातासमक्ष अपिल गरेकी छिन् ।

आगामी निर्वाचनबाट एमालेलाई साइजमा ल्याएर गठबन्धनले पुनः सरकार बनाउने र त्यो सरकारले मात्रै देशको विकास र समृद्धिको यात्रा तय गर्ने जिकिर झाँक्रीको थियो ।

क्याटेगोरी : समाचार
ट्याग : #नेकपा एकीकृत समाजवादी, #रामकुमारी झाँक्री